Љубовникот на Ана Бекута нарачател, Карлеуша соучесник во најконтроверзното убиство на новинар: Се расветлува ли убиството на Ќурувија?

Милутин Мркоњиќ, поранешен владин функционер од редовите на Социјалистичката партија на Србија (СПС), е нарачателот на убиството на сопственикот на “Дневни Телеграф“ новинарот Славко Ќурувија извршено во април 1999 година, тврди српски “Курир“. Убиството го извршиле извесните Лука Пејовиќ и Зоран Давидовиќ – Чанда кому девојка во тоа време била сега позната пеачка Јелена Карлеуша чиј татко пак беше началник на белградската полиција.

“Курир“ во своите текстови се повикува на изјави на сведок на Обвинителството, кој во истрагата изјавил дека убиството кое беше извршено на Велигден, 11 април 1999 година, го извршил Пејовиќ а присутни односно сведоци биле Чанда и Карлеуша.

Сведокот не сакал да го каже нејзиното име за да не биде предмет на одмзда и тужби и затоа само ја опишал како “естрадна пеачка“ но додал дека му було кажано дека “популарната пеачка“ била во автомобилот и го чекала убиецот а потоа нејзиниот татко ја превзел истрагат за ова злосторство.

Пренесувајќи ги сознанијата за овој случај “Курир“ во детали објасни дека во тој период Карлеуша била верена со Чанда кој пак бил ликвидиран на 23 март 2000 година враќајки се од погребот на криминалецот Бранислав Лаиновиќ – Дуги.

Овие тврдења на “Курир“ предизвикаа лавина на остри реакции но и закани од фановите на Карлеуша и од самата пеачка. Освен забраната за работење и затворањето на весникот фановите веќе повикуваат на линч и им порачуваат дека може да завршат како новинарите од редакцијата “Шарли Ебдо“ во Париз кои беа мета на терористички напад.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.