Воен ветеран од Авганистан е убиецот од Далас

Главен убиец на полицајците во Далас е Мич Хавиер Џонсон, служел во воена единица во Авганистан од ноември 2013 до јули 2014 година, објави американската војска.

Војската објавила дека 25-годишниот Џонсон бил столар и ѕидар во 420. бригада, рекол портпаролот на американската војска Синтија Смит. Според соопштението од американската војска, резервистот Џонсон бил мобилизиран на три пати од 6 месеци до една година помеѓу 2009. и 2015. година во 420. бригада со седиште во Сиговил во Тексас.

Според американските медиуми, Џонсон живеел во Мексвит во предградието на Далас, и не бил казнуван ниту поврзан со некоја радикална група.
Полицијата во Далас соопштила дека во домот на Џонсон биле пронајдени пушки, муниција, материјал за изработка на експлозив, непробојни елеци и дневник со борбени тактики. Полицијата исто така кажала дека Џонсон имал криминално минато, додека некои сведоци го опишале како самотник, наведува РТ.

Најмалку еден снајперист убил пет и ранил уште седум полицајци во координиран напад кој завршил кога полицијата со бомба го убила напаѓачот кој кажал дека сака да убива бели полицајци, објавиле вчера службениците.

Шефот на полицијата во Далас, Дејвид Браун, рекол дека убиецот на полицајците кажал дека делува сам. Нападот се случил во недела во која полицијата убила двајца Афроамериканци, во Луизијана и Минеаполис. Убиствата, кои моментално се предмет на истрага, предизвикале расни немири и демонстрации во САД.

Пукањето започнало при крајот протестите, а учесниците во паника бегале низ градските улици. Тоа било најсмртоносен ден за американската полиција од нападите во Вашингтон и Њујорк на 9. септември 2001. Нападот се случил во раздвижен дел на Далас со преполни ресторани, хотели и државни институции.

Вкупно биле застрелани 12 полицајци и двајца цивили, рекол градоначалникот на Далас Мајк Роулинг, а меѓу застреланите полицајци има и три жени.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.