Металург со пет нови ракометари ќе ги започне подготовките

Левиот бек Дарко Димитриевски заедно со Горан Печенковски се двајцата македонски ракометари од петте засилувања што вечерва ги обелодени раководството на Металург како нови имиња во редовите на клубот од Автокоманда. Македонскиот вицепрвак најави освежување на играчкиот кадар во обид сезонава во подобро светло да се претстави во Лигата на шампионите, за денеска да бидат обелоденети петте нови играчи што Лино Червар ќе ги има на располагање.

Димитриевски доаѓа од унгарскиот прволигаш Чургу и ќе биде дополнително засилување за бековската позиција заедно со Талески, Кузманоски и Нелоски. Крај нив ќе биде и средниот бек Горан Печенковски, кој доаѓа од редовите на Охрид откако претходно настапуваше за еки­пи­те на Ти­некс Про­лет, Прес­па и Пе­ли­стер.

Покрај двајцата Македонци, нови членови на Металург од денеска се и хрватското крило Мартин Марчец, потоа српскиот бек Немања Обрадовиќ, како и голманот Дарко Арсиќ. Марчец доаѓа од екипата на Вараждин, Обрадовиќ минатата сезона ги бранеш боите на францускиот тим Валанс, додека Арсиќ пристигнува во Скопје од редовите на Металопластика.

Како што објавија од РК Металург, петмината ракометари потпишале двогодишни договори со оваа екипа.

– До­се­га не­кол­ку­па­ти ка­жав де­ка ма­ке­дон­ски­те игра­чи ќе ни би­дат при­о­ри­тет во со­ста­ву­ва­ње­то на еки­па­та, а на тие по­зи­ции ка­де што има­ме не­до­стиг од ква­ли­тет­ни ма­ке­дон­ски игра­чи ќе до­пол­ни­ме со ра­ко­ме­та­ри од стра­на. Спо­ред тој план, про­из­ле­зе и пр­ви­от бран ан­гаж­ма­ни за на­ред­на­та се­зо­на, та­ка што си­те се мла­ди, жел­ни за ра­бо­та, за уче­ње, за бор­ба и по­бе­да, што сме­там де­ка е од­ли­чен пре­дус­лов да се вкло­пат во на­ша­та мла­да и бор­бе­на еки­па, пред ко­ја се­зо­на­ва прет­сто­јат го­ле­ми пре­диз­ви­ци и со кои ве­ру­вам де­ка ус­пеш­но ќе се спра­ви­ме – изјави Лино Чер­вар, до­да­вај­ќи де­ка во пер­и­о­дот што сле­ду­ва е пред­ви­де­но да се пот­пи­шат до­го­во­ри со уште нај­мал­ку двајца ра­ко­ме­та­ри, од кои еден ќе би­де де­сен бек.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.