Во еден од најголемите терористички напади досега: Во Багдад загинаа најмалку 213 лица

Во вчерашниот самоубиствен бомбашки напад во Багдад има најмалку 213 жртви.

Ирачките власти соопштија дека бројот на ранети, исто така, е поголем од 300 лица, пренесува „Танјуг“, наведувајќи дека овој акт е еден од најгрозоморните во ирачката историја.

Одговорноста за нападот ја презеде терористичката организација Исламска држава.

Експолозијата предизвика пожар во неколку згради и продавници. Улиците беа полни со крш, а идентификацијата на жртвите може да потрае подолго.

До најновиот напад дојде само една недела откако ирачката влада објава дека повторно воспоставила целосна контрола над мнозинскиот град Фалуџа, кој беше клучно упориште на Ислманската држава. Тој е само 50 километри оддалечен од Багдад.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.