Сведоштва по масакрот: Мамо, долу е колеж!

Српските медиуми пренесуваат сведоштва по свирепото убиство.

Жената чија куќа се наоѓа до кафулето „Макијато“ каде Синиша Златиќ уби пет лица, а рани 20 луѓе, раскажува што се случило трагичната ноќ.

Претставена како Мира, таа вели дека убиените и повредените ги познава од нивното раѓање. Нејзиниот татко отишол во социјалната служба да го пријави Синиша, но никој не реагирал, вели Мира. Таа вели дека Дијана последен пат ја видела како со сестра и шета покрај локалната црква.

-Се сакаа повеќе од сестри, беа како едно битие- вели Мира.

Таа раскажува дека со семјеството била дома и дека нејзиниот син седел покрај компјутерот. Се слушала гласна музика, а другиот син и бил излезен.

-Одеднаш се слушна гласно пукање, а во себе помислив кој е тој будала да пука, може да погоди некого. Следниот момент, музиката нагло престана, а синот кој беше со мене во куќата се испаничи и отрча да види што се случило. Се врати за две минути и рече: Мамо долу е колеж!

-Му се јавив на другиот син да видам дали е таму, но бил на друго место. Стигна брз апомош и полиција, а сите гледавме да им помогнеме на повредените. Знаете, јас овие деца што се убиени ги знам од раѓање- раскажува низ солзи Мира.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.