По сексот и градот: Сара Џесика Паркер во нова серија „Сакам развод“ (видео)

Дванаесет години од завршетокот на хит серијата „Сексот и градот“, главната хероина Сара Џесика Паркер се враќа со нова серија од 10 епизоди.

Ако очекувавте само малку постара верзија на Кери Бредшо, ве чека изненадување. За разлика од серијата каде го бркаше Ѕверката, овозможувајќи му нова шанса кога ќе погреши, првата реченица која ја изговара во новата серија е „Сакам развод“.

Без заобиколувања, главната протагонистка веднаш преминува на разделба. Приказната во серијата се врти околу Франсис, која почнува да го преиспитува својот живот и бракот со сопругот, кој го игра Томас Хаден.

Сепак, таа набрзо сфаќа дека новиот почеток не е така лесен како што си мисли.

Во останатите улоги се појавуваат Моли Шанон, Талиа Балсам и Трејси Летс.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.