Финале во купот за Тетекс, се чека победникот од дуелот Вардар – Шкендија

Тетекс ќе игра во финалето на националниот фудбалски куп, по новата победа над Силекс, овојпат со 2-0. И во реваншот фудбалерите на Тетекс беа подобри и заслужено ќе играат за пехарот во купот.

Тетекс поведе во 75. минута, а во финишот, постигна уште еден гол, овојпат од пенал. Боби Божиновски беше прецизен од белата точка во 90. минута, за конечни 2-0 и финале за Тетекс.

Противник во мечот за трофејот, ќе им биде подобриот од дуелот Вардар – Шкендија, што се игра во 18,30 часот денеска на националната арена „Филип втори“ во Скопје. Првиот натпревар во Тетово заврши без голови.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.