Група Б: Кој ќе патува во осминафиналето на ЕП во Франција?

Со двата вечершани натпревари од 3. коло од групата Б на Европското првенство во фудбал ќе биде познато кои две репрезентации ќе се пласираат во следната фаза, а третопласираниот тим ќе ја очекува разврската од другите групи. Во Тулуз ќе играат Русија и Велс, а во Сент Етјен е дуелот меѓу Англија и Словачка. Почетокот на натпреварите е во 21 часот.

Англија е прва во групата со 4 бодови, Велс и Словачка имаат по 3 бодови, а Русија има само 1. Сите репрезентации имаат шанси за пласман во следната рунда, со тоа што само Англија го има обезбедено најмалку третото место. Англија со нерешен резултат е сигурно во осминафиналето, додека на Словачка и е потребна победа. Русија со победа може да биде само второпласирана, додека Велс ако не загуби ќе ги задржи шансите за нок аут фазата.

Досега пласман во осминафиналето имаат обезбедено: Франција, Швајцарија, Италија и Шпанија, а Албанија го очекува расплетот и пласманот на третопласираните репрезентациите.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.