Кире Наумов: Во СДСМ има квалитетни луѓе подготвени за промени

-Денеска сакам да ве информирам дека во согласност со одредбите од Статутот на СДСМ, ја истакнувам својата кандидатура за претседател на Социјалдемократскиот сојуз на Македнија. Јас сум еден од членовите на СДСМ кои секогаш силно ја критикуваат власта на Никола Груевски, но и убеден дека и грешките на Социјалдемократскиот сојуз не треба да се премолчуваат – посочи денеска ексдиректорот на Агенцијата за разузнавање, Кире Наумов, кој влезе во трка по лидерското место во најголемата опозициона партија.

Тој вели дека ова го прави и врз основа на барањето од голем број членови на СДСМ, кои после неговите настапи во јавноста, го поттикнувале да ја истакне својата кандидатура за оваа функција.

Имам концепт со кој може СДСМ да стане реална и прифатлива политичка алтернатива  за сегашната власт. Имам визија како да ја вратиме надежта кај работниците, осиромашените, кај невработените, маргинализираните групи и кај сите чија основна желба е да живеат достоинствено од својот труд . Имам сила и волја да ги обединиме сите наши членови и подржувачи, повторно заеднички да ја градиме социјалдемократската идеја. Кадровскиот потенцијал на Социјалдемократскиот сојуз е огромен. Во СДСМ има квалитетни луѓе кои се спремни и способни заеднички да ги направиме потребните промени. Се кандидирам за претседател на Социјалдемократскиот сојуз затоа што сметам дека сум способен, дека имам знаење, дека имам енергија да ја извршувам оваа функција.  Се кандидирам затоа што знам дека постои начин Социјалдемократскиот сојуз со добар концепт, со добар тим,  и пред се со нов начин на дејствување, повторно да стане победничка партија. Подготвен сум со сите членови, заеднички и искрено да го трасираме новиот пат на Социјалдемократскиот сојуз.  Од овој момент ја барам подршката на секој член, на месните организации, општинските организации, членовите на Централниот Одбор и делегатите на Конгресот за мојата кандидатура за претседател на Социјалдемократскиот сојуз, за нов и победнички СДСМ – додаде Наумов.

Во интервју за „Република“, наравено еден ден по првиот круг од локалните избори, кога и најави дека ќе се кандидира за лидер на опозицијата, Наумов посочи:

СДСМ мо­ра да ја до­бие сво­ја­та ле­ги­тим­ност, не са­мо со кри­ти­ка на оваа власт, ту­ку со про­гра­ма што ќе по­ка­же де­ка ја до­би­ва ле­ги­тим­но­ста. СДСМ мо­ра да ста­не не­о­бич­на по­ли­тич­ка ели­та. Тре­ба пр­во да се вра­ти на тоа што го има за­гу­бе­но – иде­о­ло­шка­та ма­три­ца.Во пос­лед­ни­те че­ти­ри го­ди­ни има про­ме­нет од­нос кон ме­ѓу­на­ци­о­нал­ни­те пра­ша­ња, пред сè кон Ал­бан­ци­те. Не­ја­сен или по­гре­шен од­нос кон си­те мар­ги­на­ли­зи­ра­ни гру­пи во оп­штес­тво­то. СДСМ има не­ја­сен и про­мен­лив став за пра­ша­ње­то на име­то. По­тоа отво­ре­но­ста, да про­ду­ци­ра при­ја­те­ли, а не не­при­ја­те­ли.Ту­ка мис­лам на но­ви­на­ри­те и на ме­ди­у­ми­те, ин­те­ле­кту­ал­ци­те, де­лов­на­та за­ед­ни­ца. Со та­кво приб­ли­жу­ва­ње кон на­ро­дот мо­же­те да ја де­ле­ги­ти­ми­ра­те вла­ста и кај на­ро­дот да се прет­ста­ви­те ка­ко пар­ти­ја што ра­бо­ти за по­тре­би­те на гра­ѓа­ни­те и на нив­ни­те ин­те­ре­си. Ос­но­ва на се­во ова е еко­ном­ска­та по­ли­ти­ка. Мо­ра по кон­гре­сот да се на­пра­ви про­гра­ма, во ко­ја удар­но ме­сто ќе има еко­но­ми­ја­та. Да се об­јас­ни де­ка тоа што се слу­чу­ва се­га во оваа власт е неј­зи­на­та ос­нов­на де­ле­ги­тим­ност. Има­те ви­сок сте­пен на со­ци­јал­на си­гур­ност, но без еко­ном­ска власт. Исп­ла­ќа­те пен­зии, пла­ти, суб­вен­ции, но тоа не го пра­ви­те врз не­ко­ја ба­за, ко­ја мо­же­те да ја со­бе­ре­те од да­но­ци, ту­ку го пра­ви­те врз ос­но­ва на за­дол­жу­ва­ња. СДСМ тре­ба да по­ка­же де­ка ќе има со­ци­јал­на си­гур­ност и по­го­ле­ма од оваа се­га, но ќе се те­ме­ли на еко­ном­ска ба­за, еко­но­ми­ја­та ќе соз­да­ва средс­тва. Ва­ка ка­ко што ра­бо­ти ВМРО-ДПМНЕ на со­ци­јал­на си­гур­ност без еко­ном­ска ба­за е на­чи­нот на кој про­пад­на со­ци­ја­лиз­мот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.