Таксито здробено: Тешка сообраќајка на Партизанска, двајца загинати (ВИДЕО)

Тешка сообраќајна несреќа се случила утринава околу 3.30 часот на булеварот Партизански одреди во скопски Карпош, во која животот го загубија две лица. Од снимките што рано изутринава ги направи ТВ „Нова“, може да се заклучи дека во страшниот инцидент учествувало такси возило „мерцедес“, кое излетало од патот, удрило во жардиниера, па во дрво, на бул.„ Партизански одреди“ во близина на „Симпо“.

На самото место починале две лица што биле во автомобилот, В.А. (35), кој управувал со автомобилот „мерцедес“, и сопатничката К.С. (37), и двајцата од Скопје.

-На местото на настанот се присутни и припадници на противпожарната екипа, кои помогаат во извлекувањето на телата. Причините за несреќата се непознати, а во меѓувреме очекуваме и потврда за информацијата за две жртви од Министерството за внатрешни работи – јави телевизијата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.