Над 20 мртви во напад на ноќен клуб во Орландо (ВИДЕО)

Најмалку 20 луѓе се убиени, додека 42 лица се повредени во пукање во ноќен клуб во Орландо, Флорида, соопшти тамошната полиција, пренесува Би – Би – Си.

Полицијата влегла во клубот Пулс и го убила напаѓачот, кој ги држел луѓето во заложништво. Насилниот чин се смета за терористички напад, но не е објавено дали станува збор за домашен или меѓународен.

ФБИ истражува дали напаѓачот работел сам или бил дел од терористичка група, засега според полициски извори можно е да станува збор за човек кој се стремел кон радикална исламистичка идеологија.

Повеќе од 100 луѓе биле присутни во латино клубот, кој важи како познато место за забава на геј луѓето.

-Слушнавме истрели, луѓето легнаа на подот. Не можев да видам кој пука, ниту да видам што точно се случува, вели Рикардо Негрон Алмодовар за Би – Би – Си.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.