Португалците со огромна самодоверба патуваат на ЕП по високата победа над Естонија (видео)

Еден од фаворитите од сенка за освојување на 15.Европско првенство што в петок почнува во Франција, репрезентацијата на Португалија го одигра последниот подготвителен натпревар против селекцијата на Естонија.

Кристијано Роналдо и Рикардо Кварезма беа расположени за игра и во фантасичен натпревар во Лисабон славеа убедлива победа од 7-0.

Португалците си поиграа со противникот, а прашањето околу победникот го решија од 35 до 45 минута кога постигнаа три гола. Кога беше најпотребно блеснаа Кристијано Роналдо и Рикардо Кварезма, кои беа стрелци на трите гола. Тие си поигруваа со противникот – Роналдо постигна погодок со глава и еден фантастичен лоб, а исто така, Кварезма лобуваше на ефектен начин.

Потоа, во мрежата на Естонија погодија уште Переира и Едер, Метс си постигна автогол, а уште еднаш во листата на стрелците успеа да се запише и Кварезма. Доминацијата на Португалија ја потврдуваат и шутевите кон гол – Естонија не успеа ниту еднаш да шутне кон голот на противникот.

All Goals HD – Portugal 7-0 Estonia – 08-06-2016 by tvspors

Португалија на ЕП се наоѓа во групата „Ф“ заедно со Исланд, Австрија и Унгарија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.