Фудбалските фанови имаат можност да станат репортери на „Макс ТВ“ и на 25 мај да известуваат за атмосферата од финалето на Лигата на шампиони директно од стадионот „Вембли“ во Лондон.
Заинтересираните, како што соопшти денеска компанијата, треба да се пријават со пополнување апликација и да снимат едноминутно интересно и креативно видео во кое ќе покажат зошто заслужуваат да присуствуваат на финалниот натпревар на Лигата на шампиони во улога на репортери на „Макс ТВ“ . Пријавувањето и поставувањето на видеото ќе биде преку фан-страницата на „Макс ТВ“ на „Фејсбук“ https://www.facebook.com/mk.maxtv.
Сите видеа ќе бидат објавени на страницата на „Макс ТВ“ на „Јутуб“. Од пристигнатите видеа, специјално жири ќе направи избор на 10 кандидати за репортери на „МаксТВ“ кои ќе влезат во финалниот избор. Листата на финалистите ќе биде објавена на 8 мај на профилот на „Фејсбук“ на „Макс ТВ“ и на www.t-home.mk и на www.idividi.com.mk.
Финалниот избор на двајцата репортери на „Макс ТВ“ ќе се направи на 9 мај во Скопје, каде што ќе биде организиран мини-натпревар на фудбалски вештини. На добитниците ќе им биде обезбеден авионски билет, хотелско сместување и карта за следење на финалето од Лигата на шампионите директно од стадионот „Вембли“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
