Селекторот на Аргентина, Херардо Мартино, истакна дека најдобриот фудбалер во селекцијата, Лионел Меси, ќе биде подготвен за натпреварот против Панама, кој се игра в петок, на Копа Америка.
– Се што треба да направи Меси е да заздрави добро, и да игра на следниот натпревар. Тој претрпе незгодна повреда со Хондурас, а после тоа продолжи со лесни тренинзи. Меси работеше на физички план овие неколку денови, и очекуваме дека ќе биде подготвен за натпреварот со Панама – истакна Мартино.
Меси заработи повреда на грбот за време на пријателскиот натпревар против Хондурас на 27 мај, и големи се шансите тој да заигра за својата репрезентација в петок на Копа Америка.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
