Копа Америка: Родригез во елемент, САД до прва победа (видео)

Рано утринава во групата A на Копа Америка, домаќинот САД по поразот во првото коло од Колумбија експресно се рехабилитираше со убедлива победа од 4-0 славеше над Костарика.

Селекторот на САД Јирген Клинсман имаше доверба во неговите избраници и им укажа доверба на истите 11 фудбалери од првиот натпревар кои му возвратија победа која многу значи за пласманот во следната рунда.

Клинт Демпси со еден гол и две асистенции беше најдобар на теренот, а во листата на стрелци се запишаа уште и Грејем Зуси, Џејмс Џонс и Боби Вуд. Во последното коло на САД ќе му биде потребен и бод против Парагвај за осминафинале.

USA vs Costa Rica 4-0 All Goals and Highlights… by fantasticfootball

Во вториот натпревар од истата група Колумбија го потврди пласманот во осминафиналето победувајќи го Парагвај со 2-1. Играч на натпреварот беше Џејмс Родригез кој на втор натпревар по ред беше стрелец. Колумбија го реши мечот уште во првите 30 минути, кога Родригез најпрвин во 12. минута одлично му асистираше на Карлос Бака од корнер за водство, а во 30. минута со гол ја удвои предноста. Парагвај се закани да го загрози ривалот во 71. минута кога Виктор Ајала намали на 2-1, но Колумбијците го издржаа завршниот притисок.

Colombia vs Paraguay 2-1 All Goals & Highlights… by tony-hoksa1

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.