Вандали уништувале дрворед во Аеродром

Во текот на вчерашниот ден, екипи на ЈП „Паркови и зеленило“ и Градот Скопје констатирале дека непознати сторители извршиле оштетување на повеќе дрва на кејот на реката Вардар во Општина Аеродром, во близина на ТЦ „Три бисери“, соопшти Град Скопје.

Станува збор за десетина дрва, од видот јасен, кои се дел од дрворед стар 10 години.

Градот Скопје го осудува овој вандалски чин со кој е нанесена материјална штета, но и нагрдување на јавните зелени урбани површини и истиот ќе го пријави до надлежните служби.

Од градот апелираат до граѓаните да не ги оштетуваат зелените јавни површини, односно садниците во парковите и дрворедите, цветните фигури и цветните расади коишто ги красат парковите и зелените површини, како и да не ја уништуваат урбаната опрема низ парковите.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.