Дидие Дешамп вчера попладне го објави списокот од 23 фудбалери на чии услуги ќе смета за ЕВРО 2016, но францускиот селектор беше принуден да направи замена, и тоа во „пет до дванаесет“, пред самиот истек на рокот даден од УЕФА.
Имено, Ласана Дијара се повреди на последниот тренинг на „триколорите“, а лекаските прегледи покажаа дека станува збор за проблем со левото колено, поради што паузата ќе изнесува најмалку три седмици.
Дешамп веднаш реагираше и го тргна Дијара од својот список, на негово место дополнително повикувајќи го Морган Шнидерлин од Манчестер јунајтед.
Повредата на одличниот играч за врска е третиот проблем со кој се соочи францускиот селектор во изминатите петнаесетина дена, откако Дешамп претходно остана без помошта на дефанзивците Рафаел Варан од Реал Мадрид и Жереми Матие од Барселона.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
