Генералниот секретар на ОН, Бан Ки-мун побара помош од владите, бизнис елитите, хуманитарните организации и донаторите да помогнат до 2030 година да се преополови бројот на раселените лица.
-Тука сме да создадеме поинаква иднина, изјави Бан Ки-мун во говорот на отворањето на меѓународниот хуманитарен самит во Истанбул.
Дводневната конференција е со цел да се пронајде глобално решение за најтешката, според проценката на ОН, хуманитарна ситуација по Втората светска војна, кога околу 130 милиони луѓе имаат потреба од помош.
– Ве повикувам да помогнете за намалување на половина на бројот на внатрешно раселените лица до 2030 година, и да најдеме повеќе долгорочни решенија за бегалците и раселените лица преку рамномерна поделба на одговорностите, нагласи Бан Ки-мун.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
