Пирло: Со преселбата во САД, ризикував да не одам на ЕП

Селекторот на Италија, Антонио Конте, не го вклучи на својот список за ЕП 2016 поранешниот диригент на „аѕурите“ Андреа Пирло. Ветеранот (37) кој игра во МЛС – лигата на САД, во дресот на Њујорк сити, сепак, знае дека неговата преселба во Америка е клучна за ваквата одлука на селекторот.

– Кога ќе одлучиш да играш во МЛС – лигата, можеби и самиот си земаш ризик, да не играш на Европско првенство. Не можам да се лутам, јасно ми е дека дури и фудбалерите кои играат во белгискиот шампионат, сепак, повеќе можат да се наметнат. Знам дека ризикот е мој и ќе се носам со тоа – изјави Андреа Пирло.

Мајсторот со фудбалска топка за Италија одигра 116 натпревари, а последен пат играше во септември против Бугарија во рамките на квалификациите за ЕП 2016.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.