Новиот претседател на УЕФА ќе биде избран на 14 сепетмеври, соопшти привремениот генерален секретар на Европската фудбалска унија, Теодор Теодоридис.
Досегашниот претседател на УЕФА, Мишел Платини, е суспендиран на шест години бидејќи во 2011 година зел два милиони долари од тогашниот претседател на ФИФА, Сеп Блатер, за консултантските услуги што ги извршувал за светската куќа на фудбалот.
Наследникот на Платини ќе го избираат 55 членки на УЕФА и, како што е соопштено, тој ќе го заврши мандатот на Французинот кој трае до март 2019 година и ќе стане потпретседател на ФИФА.
Во конкуренција за нов претседател на УЕФА се Шпанецот Анхел Марија Вилјар, Мајкл ван Праг од Холандија и претседателот на Фудбалскиот сојуз на Словенија, Александар Чеферин. Крајниот рок за поднесување на кандидатурите истекува на 20 јули.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
