Сити во ЛШ, Саутемптон во ЛЕ, Арсенал втор – заврши Премиер лигата (видео)

Денес се одигра последното коло во англиската Премиер лига, сите натпревари се одиграа во ист термин, освен оној на „Олд Трафорд“ помеѓу Манчестер Јунајтед и Борнмаут, кој е одложен поради безбедносни причини.

Манчестер Сити освои само бод на гостувањето кај Свонси, но сосема доволно за задржување на четвртата позиција на табелата и шанса да игра квалификации за Лига на Шампиони.

Њукасл испадна од Премиер лигата уште во претходните кола, но барем се прости со победа и тоа над Тотенхем.

Арсенал ја декласираше екипата на Астон Вила со 4-0 и по поразот на Тотенхем завршува на второто место на табелата. Сепак, и двата клуба од Лондон ќе настапуваат во Лигата на Шампиони следната сезона.

Вест Хем загуби на гостувањето кај Стоук, а Саутемптон славеше против Кристал Палас и сега е на петтото место на табелата, додека Вест Хем падна на седмото и сега шанси за учество во квалификациите во Лига на Европа има само доколку Манчестер Јунајтед го освои ФА Купот. Тоа ќе значи директен пласман на „црвените ѓаволи“ во ЛЕ, а автоматски нивното место ќе го пополни седмопласираниот Вест Хем.

Саутемптон со победата над Кристал Палас се искачи на петтото место и се изедначи по бројот на бодови со Јунајтед, но Јунајтед е со меч помалку (поради одложување на денешниот натпревар на „Олд Трафорд“) . Во секој случај, Саутемптон си обезбеди учество во ЛЕ.

Резултати од последното (38.) коло:

Арсенал – Астон Вила 4-0
Манчестер Јунајтед – Борнмаут (одложено)
Саутемптон – Кристал Палас 4-1
Челси – Лестер 1-1
ВБА – Ливерпул 1-1
Свонси – Манчестер Сити 1-1
Евертон – Норич 3-3
Вотфорд – Сандерленд 2-2
Њукасл – Тотенхем 5-1
Стоук – Вест Хем 2-1

Погледнете ги сите голови од последното коло на едно место:

Шампион е Лестер со 80 бода, Арсенал со 71 и Тотенхем со 70 бода се пласираа директно во Лига на Шампиони. Четврти е Манчестер Сити со 66 бода, ќе игра квалификации за ЛШ. Петто место е Саутемптон со 63 бода, исто толку има и Манчестер Јунајтед, но и натпревар помалку. Вест Хем е на седмото место со 62 бода. Ако не загубат Јунајтед ќе бидат петти и одат директно во Лига на Европа, а Саутемптон ќе игра квалификации за ЛЕ. Во случај Јунајтед да го освојат ФА Купот против Кристал Палас, директно во ЛЕ одат заедно со Саутемптон, а Вест Хем ќе игра квалификации за ЛЕ. Но, ако Кристал Палас го освојат ФА Купот, тогаш Вест Хем останува без европски пласман.

Инаку, Јунајтед со победа против Борнмаут ќе имаат 66 бодови, исто колку и четвртиот Сити, но „граѓаните“ имаат подобра гол разлика.

Од Премиер лигата испаднаа Астон Вила, Норич и Њукасл.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.