Хет-трик на Суарез за нова титула на Барса (видео)

Со хет-трикот на најдобриот стрелец во Европа, Луис Суарез, Барса ја совлада Гранада во последното коло во Примера Дивизија, со што ја одбрани титулата шампион на Шпанија. Нејзиниот најголем ривал Реал Мадрид ја заврши сезоната на второто место со еден бод помалку.

Ова е 24 титула шампион на Шпанија во клупската историја на Барселона.

Првиот гол Суарез го постигна во 22. минута. Петнаесетина минути подоцна „Ел Пистолеро“ ја дуплираше предноста на Барса, по одличниот центаршут на Дени Алвеш од десната страна.

Точка на натпреварот стави Суарез во 86. минута, постигна нов хет-трик и го постигна својот 40 првенствен гол сезонава.

Во исто време Реал Мадрид го играше последниот првенствен натпревар во Лакоруња, против Депортиво.
„Кралевите“ се надеваа на кикс на Барса, бидејќи само во тој случај со победа би ја освоиле титулата, но откако Барселона триумфираше, победата на Реал против Депортиво со 2-0 испадна „пирова“.

Критијано Роналдо ги постигна двата гола за Реал и стигна до бројка од 37 првенствени голови во сезоната, но сепак недоволно за најдобар стрелец и „Златна копачка“, бидејќи Суарез со новиот хет-трик го претрка.

Првиот гол Роналдо го постигна уште во 7. минута. Бејл се проби по левата страна, го проигра Бензема, а Французинот ја проследи до Роналдо кому не му беше тешко да погоди од непосредна близина.

Конечниот резултат португалската ѕвезда го постави во 25. минута, откако беше највисок во скокот по нафрлувањето од корнер, кој го изведе Крос.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.