Крај на сезоната во Бундеслига – Баерн убедлив, Вердер се спаси (видео)

Попладнево во ист термин се одиграа сите натпревари од последното 34. коло во германската Бундеслига. Баерн титулата ја обезбеди уште пред неколку кола, па затоа како најинтересен дуел денес можеби беше оној меѓу конкурентите во борбата за опстанок, каде Вердер беше поуспешен и остана прволигаш. Шампионот Баерн повторно убедливо победи, Дортмунд ремизираше со Келн…

Фудбалерите на Вердер од Бремен успеаја да се изборат за опстанок во Бундеслигата, откако денес на домашен терен го совладаа Ајнтрахт со 1-0.

„Спасувачкиот“ гол беше постигнат во самиот финиш од натпреварот, во 89. минута, по изведен слободен удар Џилобоџи најдобро се снајде во една гужва пред гостинскиот гол и му обезбеди на својот тим уште една сезона во елитата.

Од друга страна Ајнтрахт ќе мора да игра бараж за опстанок во Бундеслигата, а нови второлигаши се Штудгарт и Хановер.

Старо-новиот шампион Баерн Минхен пред своја публика го совлада Хановер со 3-1.

Првиот гол го постигна Левандовски во 12. минута, а вториот и третиот гол за Баварците беа дело на Марио Геце.

Во второто полувреме Собие постигна гол за гостинската екипа, за конечни 3-1.

Од останатите натпревари ги издвојуваме победата на Шалке во Хофенхајм (1-4), како и ремито на Мајнц и Херта (0-0), со што Херта останува без директен пласман во Лига на Европа.

Пласман во Лига на Шампиони обезбедија Баерн Минхен, Дортмунд и Леверкузен, а Менхенгладбах ќе игра во квалификациите за ЛШ.

Шалке и Мајнц ќе играат во Лига на Европа, а Херта во квалификациите за ЛЕ.

Од Бундеслигата испаднаа Штудгарт и Хановер, а Ајнтрахт во баражот ќе се обиде да избори опстанок.

Резутати од последното 34. коло:

Аусбург – Хамбург 1-3
Баерн Минхен – Хановер 3-1
Вердер – Ајнтрахт 1-0
Дармштат – Менхенгладбах 0-2
Дортмунд – Келн 2-2
Хофенхајм – Шалке 1-4
Леверкузен – Инголштат 3-2
Мајнц – Херта 0-0
Волфсбург – Штудгарт 3-1

Табела:
1. Баерн Минхен 88 бодови
2. Дортмунд 78
3. Леверкузен 60
4. Менхенгладбах 55
5. Шалке 52
6. Мајнц 50
7. Херта 50
…..
16. Ајнтрахт 36
17. Штудгарт 33
18. Хановер 25

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.