Напаѓачот на Арсенал, Тео Волкот, не е задоволен од минутажата која ја добива од Арсен Венгер и најави дека ќе ја разгледа можноста за заминување од клубот ова лето. Медиумите на Островот најавуваат дека тој се наоѓа пред трансфер во редовите на Вест Хем. Тоа значи дека ќе остане во Лондон, но од таборот на „топчиите“ ќе се пресели кај „чеканите“.
Венгер оваа сезона немаше доверба во Тео Волкот и најчесто го користеше од клупата за резервни фудбалери, впрочем, кога напаѓачот не беше на листата на повредени. Оттаму и раководството на Арсенал нема премногу да инсистира да го задржи Волкот во своите редови и најверојатно ќе му овозможи да се пресели во Вест Хем.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
