Денеска со почеток од 17.45 часот во арената „Ласло Пап“ во Будимпешта македонскиот шампион ЖРК Вардар ќе се обиде да се искачи скалило погоре и за првпат да се пласира во финалето на Лигата на шампионите. Во претходните две полуфиналиња избраничките на Индира Кастратовиќ беа стопирани во полуфиналната фаза на двапати од Будуќност.
Денешниот противник е ЧСМ Букурешт кој на клупата го има Ким Расмунсен кој имаше кратка одисеја во сосавот на „црвено-црните“ минатата сезона.
Оваа сезона овие два тима се сретнаа во групната фаза во која на двапати подобри беа нашите ракометарки. Сепак овој натпревар е нешто друго и нема шанси за поправен испит. Се се сведува на 60 минути и за победникот ќе ревашаат нијанси. Сите од таборот на Вардар се добро подготовени и најавуваат дека токму оваа сезона е голема шанса да се стигне до финалето, па зошто да не и да се освои Лигата на шампионите.
Средниот бек Сања Дамњановиќ е претпазлива и го пренесува ставот на соиграчките дека ЧСМ Букурешт воопшто не е наивна екипа бидејќи веќе направија големо изненадување елиминирајќи го составот на Ростов Дон во четврфиналето. На вакви натпревари решаваат детали, кој ќе има подобар ден, концентрација, ќе направи помалку грешки.
– Мислам дека Букурешт навистина ја крена својата форма и игра подобро од натпревар во натпревар, но исто можам да кажам дека и ние сме подобри со секој нов меч, тоа се виде пролетва, така што и тоа не им е некоја предност на Букурешт. Можам да кажам дека шансите се 50-50, дека нијанси ќе решаваат и токму затоа е интересен овој фајналфор, кој ќе има подобар ден тој ќе оди во финале – изјави Дамњановиќ.
На ждрепката екипата на ЧСМ Букурешт беше најпоскауван ривал за сите, поради фактот што се дебитанти. Но, колку е тоа предност толку може и да биде одмогнување, зашто Романките нема што да загубат и ќе имаат помал притисок врз себе.
– Секој противник го почитувам, ќе беше тешко да ги добиеме Ѓер или Будуќност, тешко е и сега. Сигурно и од Букурешт можат да речат дека се среќни што го добија Вардар. Ѓер и Будуќност се некој стандард во ракометот, ги знаат овие натпревари и знаат како да се однесуваат. Затоа колку ќе ни биде лесно нам толку и ќе им биде и ним – додаде Србинката во составот на Вардар.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
