Средба Груевски – Петир: Волјата на граѓаните е најсилниот критериум и оцена на работата на политичките субјекти во државата

Претседателот на ВМРО-ДПМНЕ Никола Груевски оствари средба со пратеничката од Европскиот парламент Маријана Петир, која е и претседател на неформалната група на пријатели на Република Македонија во Европскиот pарламент.

Соговорниците разговарале за стратешките цели на државата, евроатланските интеграции, и за актуелните случувања врзани со политичката криза во Република Македонија.

Стратешки интерес на Република Македонија е членството во Европската унија и НATO алијансата и континуирано се преземаат чекори поврзани со реформската агенда во насока на исполнување на критериумите, истакна Груевски и се заблагодари за ангажманот и посветеноста на неформалната група на пријатели на Република Македонија која дејствува во Европскиот парламент, а чиј претседател е токму Петир.

Во однос на политичката криза Груевски истакна дека ВМРО-ДПМНЕ е силно насочена кон изнаоѓање на решенија и начин за излез од оваа состојба. Тој посочи дека најсилен интерес на граѓаните е криза што ја наметна СДСМ да биде што побрзо надмината и да се врати државата на патеките на економскиот развој и прогрес.

Треба да се почитува волјата на граѓаните како најсилен критериум и оценка на работата на политичките субјекти во државата, истакна Груевски на средбата.

Европратеничката Петир посочила дека е потребно придржување до договорот од Пржино и преземените обврски од него, притоа истакнувајќи дека изборите се начинот за излез од политичката криза. Таа  акцентирала дека потребно е да се почитува волјата на граѓаните и на легитимен начин таа да се изрази на избори.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.