Раниери можеби ќе го пропушти шампионското славје во Лестер, ќе ја посети својата мајка во Италија

Лидерот во Премиер лигата екипата на Лестер вчера ја пропушти првата „меч“ топка за шампионската титула одигрувајќи 1-1 на „Олд Трафорд“ против Манчестер јунајтед. Вечерва ќе ја има втората шанса за титуата ако екипата на Челси не загуби на домашен терен од Тотенхем и со тоа им овозможи на „лисиците“ да слават за прата титулата во Ангилја во историјата на клубот.
Менаџерот на Лестер кој вистински го препороди тимот оваа сезона и е најзаслужен за сите успеси на тимот, Италијанецот Клаудио Раниери изјави дека нема да го гледа мечот што се игра на „Стемфорд Бриџ“ бидејќи и ветил на својата мајка дека ќе ја посети во Италија в понеделник!

– Би сакал да ја гледам средбата меѓу Тотнем и Челси, но ќе морам да заминам за Италија. Треба да ја посетам мојата 96 годишна мајка на која и ветив дека ќе бидам таму во понеделник. Ќе бидам последниот кој ќе го дознае резултатот од дербито и кој ќе дознае дали Лестер е шампион – вели Раниери.

Ако Челси не успее да му „откине“ бод на Тотенхем тогаш последните две кола ќе бидат формалност бидејќи „лисиците“ ќе имаат недостижна предност од седум бода.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.