Несторовски продолжува да ги тресе мрежите во Хрватска (видео)

Македонскиот репрезентативец Илија Несторовски стигна и до својот 20-ти погодок во шампионатот на Хрватска сезонава, по што веќе е убедливо најдобриот стрелец на листата со дури седум повеќе од Безјак и нашиот интернационалец Музафер Ејупи, кои се на делба на второто место.

Несторовски денеска, во 34. коло од хрватското првенство, погоди од пенал во победата на Интер Запрешиќ од 3-1 на домашен терен против Локомотива Загреб. Македонецот погоди во 22. минута од натпревар за израмнување на резултатот (1-1) во тие моменти. До крајот Интер Запрешиќ со уште два гола успеа да стигне до трите бода.

Inter-Zaprešić – Lokomotiva 3-1, I… by dm_525b2245553f8

На две кола до крајот на првенството, Интер Запрешиќ е на шестата позиција со 41 бод, далеку од зоната за испаѓање, но и далеку од можноста за места за европски излез.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.