Американскиот претседател Барак Обама во интервју за американската телевизија Си-Би-Ес изјави дека според него, рускиот претседател Владимир Путин не е сосема убеден дека вистинското решение е силна и обединета Европа.
„Путин, генерално, гледа на НАТО, ЕУ, трансатланското единство како на закана за руската власт“.
– Мислам дека тој греши по ова прашање. Јас му посочив дека всушност вистинското решение е една силна, обединета Европа, која ќе работи со силна и отворена кон светот Русија. Засега тој не е сосема убеден во тоа, рече Обама во интервјуто.
Во него Обама зборува и за миграциската криза во Европа и нагласува дека тоа не е само европски проблем, туку проблем и на САД, потенцирајќи дека тоа им го кажал и на европските сојузници во Европа.
Но многу поважно, уште поважно од стратешката гледна точка е притисокот, со кој миграциското прашање влијае врз европската политика, го зајакнува екстремно десничарскиот национализам, го промовира распаѓањето на европското единство и тоа во некои случаи се експлоатира од некој како Путин, рече американскиот претседател.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
