Братот на Геце претепан од навивачи на Борусија

Навивачите на Борусија Дортмунд не му простија на Марио Геце за трансферот во Баерн Минхен, а „жртва“ беше неговиот помал брат, кој е претепан од дел од навивачите. Покрај тоа, тие ја бојадисале семејната куќа на Геце во црно-жолто. Веднаш откако беше објавено дека Геце за 37 милиони евра се сели од редовите на „милионерите“ во Баерн Минхен, фановите на Борусија почнаа да ги палат дресовите со неговото име. За жал, не застанаа тука, па го претепале неговиот помлад брат кога се враќал од училиште.

Синоќа Геце одигра извонредно против Реал Мадрид во победата на Борусија со 4-1, а 65-илјадната публика не го извиркуваше како што стравуваа во клубот.

Борусија има нов проблем бидејќи се најавува нова „трансфер бомба“ од Баерн Минхен, кој сака да го купи и Роберт Левандовски. Менаџерот на Јуп Хејнкес, кој сега го предводи Баерн, изјави дека тоа е веќе завршена работа и четирикратниот стрелец против Реал Мадрид сигурно заминува од Дортмунд во Минхен.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.