Харден со шут за победа го врати Хјустон во игра, Торонто ја врати предноста на домашен терен (видео)

Џејмс Харден ја донесе првата победа за Хјустон против Голден стејт, Оклахома повторно може да се потпре на Кевин Дурант, а Торонто ја врати предноста на домашниот терен против Индијана, на синоќешните дуели од четвртфиналните плејоф пресметки во НБА лигата.

Харден со кош на 2,7 секунди пред крајот донесе победа за Хјустон над Голден стејт од 97-96, за намалување во серијата на 2-1.

Дурант, по едно од најлошите своите изданија во кариерата, сега постигна 34 поени за вториот триумф на Оклахома над Далас, од 131-102, додека Демар Дерозан ги предводеше Репторси до 101-85 за 2-1 против Индијана.

Малку недостасуваше Голден стејт да го добие Хјустон во Тексас, без својот МВП, Стеф Кари, имаа поен предност пред последните неколку секунди, но Харден покажа зошто е еден од најдобрите во лигата.

Харден мечот го заврши со 35 поени, 9 асистенции и 8 скока, а го следеа Мотиејунас со 14 поени и 13 скока, и Ливингстон со 16 поени.

Пред два дена, Дурант промаши дури 26 шута од игра, но сега експресно покажа дека тоа било исклучок и само неверојатно лош ден.

Веќе во третиот натпревар со Далас, прв во Тексас, докажа дека е еден од најдобрите офанзивци во НБА лигата, постигнувајќи 34 поени, од кои 20 во првото полувреме.

Дурант имаше одлична поддршка од Расел вестбрук кој заврши со 26 поени и 15 асистенции, а 21 поени со 8 скока дополни Енес Кантер. Далас ги предводеше Весли Метјуз со 22 поени, 18 поени постигна Рејмонд Фелтон, играше и Дирк Новицки, и покрај повредата, и постигна 16 поени. Оклахома води со 2-1 во серијата, а четвртиот меч се игра исто така во Далас, во сабота вечер.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.