Пандов: Еден човек можат да скршат, заедно илјадници сме нескршливи

Многу не има. 70-80 илјади Македонци дојдени да им кажеме и да им покажеме дека знаеме што е политика, знаеме кој ѝ сака добро на Македонија, а кој сака гајтан да ѝ стави на врат. Македонија е демократска земја. Македонија треба и може и мора да има избори и тие ќе ги имаме на 5 јуни, истакна аналитичарот Александар Пандов на вечерашниот масовен собир пред Собранието во организација на Граѓанското движење за одбрана на Македонија.

-Ги гледам спомениците околку мене и си мислам, луѓето- нашите браќа Македонци морале во минатото да зимаат оружје во раката за слобода. Сега ние таа слобода ја имаме благодарение на нив. Единственот нешто што треба да го направиме е да го земеме пенкалото во рака и на 5 јуни да го дадеме гласот за политичката опција во која веруваме. Политичката криза во Македонија само со избори може да ја решиме.

Тие кои во овој момет, додаде Пандов, протестираат и урнисуваат, се тепаат со нашите полицајци, треба да знаа дека Македонецот има трпение, но знае и памти кој што прави во Македонија. Единствено нешто што треба да направат е да прифатат избори на 5 јуни ако и сакаат добро на Македонија.

-Како ГДОМ, ќе испратиме барање до Уставен суд да донесе одлука за времено запирање на работа на сите граѓански здруженија, фондации и политички партии кои во моментов ја рушат и ја урнисуваат Македонија.

Еден човек може да скршат, кога сме вака заедно, илјадници сме нескршливи, рече Пандов.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.