Кон крајот на минатата година претседателот на ВМРО – ДПМНЕ, Никола Груевски вети набавка на нов мебел за сите 10 државни студентски домови. Денес со задоволство информирам дека јавната набавка е распишана преку Бирото за јавни набавки, напиша на неговиот Фејсбук профил заменик министерот за образование и наука Спиро Ристовски.
-Веќе е отпочнат процесот на прибирање понуди, кои можат да се доставуваат заклучно со 30 мај, за кога е закажано јавното отворање, по што, ќе се направи соодветен избор на фирма која ќе треба етапно, во 2016 и 2017 година, целосно да ги опреми сите државни студентски домови со нови кревети, душеци и перници, маси и столици, работни маси и работни столици, полици, комоди и плакари. Оваа инвестиција од речиси 100 милиони денари е уште еден крупен придонес кон унапредувањето на студентскиот стандард во земјата и поддршка кон сите сегашни и идни генерации студенти – пишува Ристовски на Фејсбук.
Заменик министерот за образование и наука вели дека потврдуваат дека студентите продолжуваат да бидат нивниот најголем приоритет.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
