Нов рекорд на Кливленд, Мајами и Клиперс стигнаа до 2-0 (видео)

Синоќа во НБА лигата во рамките од првото коло од плејофот се одиграа три натпревари.
Домашниот терен го искористија Кливленд, Мајами и ЛА Клиперс за да дојдат до убедлива предност од 2-0 во победи над нивните конкуренти.
Сите три меча завршија со убедлива предност на домаќините, а Кливленд успеа да сруши и рекорд во НБА лигата кога се работи за уфрлени тројки во плејофот.

Во вториот меч од серијата со Детроит, Кливленд славеше со 107-90, а Кавс погодија дури 20 тројки од 38 обиди. Најпрецизен беше Џеј Ар Смит со седум погодени шута од далечина и натпреварот го заврши со 21 поен. Најефикасен, пак, беше Леброн Џејмс кој реализира 27 поени. Во поразениот тим, Андре Драмонд заврши со 20 поени, но можеше да има повеќе ако беше попрецизен од линијата за слободни фрлања од каде погоди само четири пати од 16 шута.

Чекор поблиску до втората рунда се и екипите на Мајами и Клиперс кои истотка славеа убедливи победи над Шарлот односно Портланд.

Најубедлив, сепак, беше тимот на Лос Анџелес Клиперс кој со 102-81 го совлада Портланд за 2-0. Крис Пол со 25 поени беше најефикасен кај Клиперс кои имаа неверојатен процент на погодени удари од поле од 46 проценти.

Мајами повторно славеа на домашен терен кои синоќа беа подобри од Шарлот, овојпат со резултат 115-103. Двејн Вејд ги предводеше „жешките“ со 28 поени, Вајтсајд оствари дабл-дабл од 17 поени и 13 скокови, додека Горан Драгиќ го заврши натпреварот со 18 поени и стопроцентен ефект на шутевите за тројка (3/3).

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.