Атлетико и Реал не и дозволуваат на Барселона да се одлепи (видео)

Екипите од Мадрид, Реал и Атлетико по четири натпревари на Барселона без победа (три порази) дојдоа до шанса да се борат за титулата во Примера дивизија.
Откако Барселона ја декласираше екипата на Депортиво Ла Коруња во вонредното 34.коло со 8-0, двете екипи од главниот град на Шпанија истотака извојуваа победи на четири кола до крајот повторно се во игра за титулата.

Најпрвин Атлетико возврати со победа на тешкото гостување во Билбао против Атлетик со единствениот гол на Фернандо Торес со кој го одржа својот тим во борбата за титулата. Ова е првпат во кариерата на „Ел Нињо“ напаѓачот да постигне гол на пет средби во низа, што е одлична вест за Диего Симеоне во пресрет на клучниот дел од сезоната.

Од друга страна, Симеоне има причина за загриженост бидејќи Диего Годин ја обнови повредата и речиси сигурно ќе го пропушти полуфиналниот дуел од Лигата на шампионите против Баерн Минхен.

Реал Мадрид по само два часа од мечот на Барса одигра одличен натпревар на „Сантијаго Бернабеу“ славејќи победа од 3-0 во дуелот со Вилјареал.
„Кралевите“ иако ја имаа целосната доминација на теренот и создадоа безброј шанси пред голот на гостите, отпорот беше скршен дури во 41.минута со голот на Карим Бензема по една одбиена топка на голманот Серхио Асенјо.
Во второто полувреме се си дојде на свое место со двата гола Лукас и Модриќ за конечен резултат од 3-0.

Резултати Примера дивизија 34.коло:

Депортиво – Барселона 0-8

Атлетик Билбао – Атлетико Мадрид 0-1

Реал Мадрид – Вилајреал 3-0

Спортинг Хихон – Севилја 2-1

Малага – Рајо Валјекано 1-1

Валенсија – Еибар 4-0

Табела: Барселона 79 бода, Атлетико Мадрид 79, Реал Мадрид 78, Вилјареал 60, Атлетик Билбао 54, Селта 54…

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.