Постарите генерации добро се сеќаваат на популарната пејачка Марина Перазиќ, особено нејзиниот голем хит „Колачиња“ од 1987 година. По пауза од десет години, Марина неодамна влезе во студио и ја сними песната „Тишина“, заедно со младиот музичар Блугреј (Bluegray). Ова е своевидно враќање на музичката сцена за Марина, за новиот сингл таа изјавила:
„Огромно ми е задоволството што со своето дискретно гостување во песната „Тишина“ го поддржувам талентот на овој млад, но уметнички зрел музичар. Кога ќе препознаам талент, секогаш се поклонувам. Димитрије е мој добар пријател, а јас имам огримна желба неговата софистицирана уметност, која толку недостасува на овие простори, што побрзо да дојде до израз.“ – изјавила Марина.
Оваа електро поп песна е поинаква од сè што до сега имавме можност да слушнеме од неа, а интересно е тоа што видео записот е снимен на Кипар и во Нови Сад.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
