Тотенхем го декласираше Стоук, трката за титулата продолжува (видео)

Тотенхем не се откажува така лесно од битката за титулата со Лестер во Премиер лигата, па по убедливата победа од 0-4 на гостувањето против Стоук, дојде на пет бода заостанување на четири кола до крајот на сезоната.

Без никакви проблеми фудбалерите на Тотенхем стигнаа до триумфот, најавувајќи го уште во 9. минута со голот на Кејн.

Останатите три погодоци беа во второто полувреме. Најпрво Деле Али во 67. минута зголеми на 0-2, потоа во 71.минута втор погодок постигна Кејн, а да не биде помалку од него и Деле Али во 82. минута уште еднаш се запиша во листата на стрелци.

All Goals HD – Stoke City 0-4 Tottenham 18-04-2016 by Live1Goals

По овој триумф, Тотенхем сега има 68 бода, пет помалку од Лестер кој е на водечката позиција со 73 бода, по 34 одиграни натпревари. На делба на третото место се Манчестер сити и Арсенал со 60 бода, кои имаат и натпревар помалку од водечките.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.