Сан Антонио го доби дербиот на западот и се израмни со легендите на Бостон (видео)

На еден ден пред крајот на регуларниот дел од сезоната во НБА лигата, Сан Антонио го измрани историскиот рекорд на Бостон Селтикс од 40 победи и само еден пораз на домашен терен.
„Мамузите“ во дербито на западната конференција на домашен терен славеа над Оклахома со 102-98 и плејофот ќе го стартуваат од втората позиција на западот, а Дурант, Вестбрук и другарите ќе бидат трети.
Ако го поминат првото коло овие два тима ќе играат и во полуфиналето и ќе се борат за пласман во финалето каде најверојатно ќе ги пречека најдобриот тим во лигата и актуелен шампион, Голден Стејт.

– Тоа е генерацијата на Бирд, Мекхејл и Периш, така што сигурно сме горди на резултатот. Не е нималку лесно од 41 натпревар да добиеш 40 – задоволен беше Тони Паркер.

„Мамузите“ стигнаа до оваа победа многу потешко од очекувањата, дури по продолжение од пет минути, иако гостите настапија без своите најдобри три кошаркари, Вестбрук, Дурант и Ибака. Оклахома изненади со мотивирана игра и водеше во поголемиот дел од средбата, но Сан Антонио се разбуди во клучните моменти и на крајот стигна до посакуваниот триумф, кој нема посебно значење бидејќи „спарси“ во секој случај со втори, а тандер трети во западната конференција.

Каваи Леонард беше најефикасен кај победничкиот тим со 26 поени (шест во продолжението), додека Тони Паркер постигна 20 поени.

Интересно е во Источната конференција каде дури четири екипи во последниот ден од сезоната ќе се борат за третото место. Во пол позиција е Мајами со биланс од 48 победи и 33 порази, но за да го запечати третото место му е потребна победа против Бостон вечерва. Во конкуренција се уште Атланта, Бостон и Шарлот, а Индијана и Детроит се уште се борат за седмата позиција со која ќе го избегнат Кливленд во првата рунда.

НБА резултати:

Индијана – Њујорк 102-90
Детриот – Мајами 93-99
Торонто – Филаделфија 122-98
Сан Антонио – Оклахома сити 102-98 (по прод.)
ЛА клиперс – Мемфис 110-88.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.