Реал Мадрид го слави „кралот“ Роналдо, со хет-трик го сруши Волсфбург (видео)

Реал Мадрид се пласираше во полуфиналето од Лигата на шампионите откако вечерва на „Сантијаго Бернабеу“ ја анулираше предноста на Волфсбург од првиот натпревар од 2-0, и со три гола во мрежата на Германците заслужено оди понатаму.
Очигледно е дека Кристијано Роналдо знае да одигра кога е најпотребно за својот тим бидејќи сите три гола беа негово дело.
Роналдо беше незапирлив за гостинските дефанзивци, погодуваше од сите позиции, па уште еднаш покажа зошто заедно со Лео Меси важи за најдобар фудбалер на денешницата. Откако делуваше индиспонирано на првиот натпревар со Волфсбург, португалскиот ас овојпат им одржа лекција на членовите на бундеслигашот, предводејќи го својот тим до ново европско полуфинале.

„Кралевите“ по почетното испитување на силите во првите 10 минути, уфрлија во петта брзина и за само една минути водеа со 2-0 со што веќе во 17.минута беше анилурана предноста од првиот натпревар. Двоен стрелец беше Роналдо, кој најпрвин погоди по додавањето на Карвахал, а потоа и по корнерот на Тони Крос, два пати во рок од три минути, за еуфорија на „Сантијаго Бернабеу“. Претходно и Серхио Рамос можеше да се запише во листата на стрелците, но неговиот обид заврши само во гредата.

На полувреме се отиде со резултат 2-0, но за пласман во полуфиналето на Реал му беше потребен уште еден гол. Волфсбург успеваше да одолее на налетите на „кралскиот клуб“, но и опасно да се пресели на противничката половина. Серхио Рамос немаше свој ден, па повторно биеше во рамките од голот, овојпат во дирекот, а потоа топката заврши зад грбот на гостинскиот голман, кој едвај успеа да ја спречи да заврши во неговата мрежа. Подобрата игра на Реал сепак вроди со плод, па Роналдо го комплетираше својот хет-трик, овојпат од слободен удар во 77. минута, широко отворајќи ги вратите на патот кон полуфиналето.

Real Madrid Vs Wolfsburg 3-0 Highlights & All… by tony-hoksa1

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.