Кливленд го осигура првото место на истокот, Вестбрук со трипл-дабл за едно полувреме (видео)

Леброн Џејмс и другарите со својот Кливленд го осигураа првото место во источната конференција на еден меч до крајот на регуларниот дел од сезоната пред почетокот на плејофот.
Синоќа на домашен терен славеа убедлива победа над Атланта од 109-94. „Кралот“ Џејмс беше на висина на задачата постигнувајќи 34 поени, и тоа со само три промашувања од поле (13/16), а најефикасен на натпреварот беше Кајри Ирвинг со 35 поени.

– Се наоѓам во добар ритам и се обидувам да продолжам во истиот, за да му помогнам на мојот тим и во плејофот како што тоа го правам сега – изјави Леброн по најновиот триумф.

Оклахома славеше со 112-79 на крилјата на плејмејкерот Расел Вестбрук кој одигра уште еден фантастичен меч. Тој го оствари 18. трипл-дабл во сезоната, но до него дојде уште пред крајот на првото полувреме. Мечот го заврши со 13 поени, 14 асистенции и десет скока со што уште еднаш покажа дека е најсестран играч во НБА лигата во моментов. За Оклахома, ова беше 55. победа во сезоната и со неа само стави печат на првото место во својата дивизија.

Хјустон направи огромен исчекор кон осмото место на табелата во западната конференција и на само еден меч до завршување на регуларниот дел од сезоната има шанса да се бори за плејофот. Јута загуби на домашен терен од Далас со 92-101, додека Хјустон како гостин ја совлада Минесота со 129-105, па сега двете екипи се на делба на осмото место на Западот со тоа што преднот во меѓусебните дуели има тимот од Тексас. Судбината ќе си ја решаваат утре, на последниот ден од основниот дел во сезоната кога Хјустон го пречекува Сакраменто, а Јута гостува на Лејкерс во последниот натпревар во кариерата на Коби Брајант.

НБА резултати:

Феникс – Сакраменто 101-105
Јута – Далас 92-101
Бостон – Шарлот 100-114
Бруклин – Вашингтон 111-120
Њу Орлеанс – Чикаго 116-121
Оклахома – ЛА Лејкерс 112-79
Минесота – Хјустон 105-129
Кливленд – Атланта 109-94
Орландо – Милвоки 107-96

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.