Зошто ИРИ не ја објавува новата анкета за политичките партии во Македонија?

Република дознава дека рејтингот на политичките партии, политичарите и политиките биле цел на истражувањето на ИРИ кое неодамна е направено во Македонија, но резултатите се уште не се објавени во јавност.

Од ИРИ за Република официјално велат дека податоците се уште се обработуваат, но како причина го наведуваат и периодот од 30 дена пред избори кога се намалуваат активностите. Кај нас без закажани избори, па терминот се одложи, посочува Илина Мангова, директорка на програма на Меѓународниот републикански институт (ИРИ) во Македонија.

-Нека се распишат изборите ќе ги објавиме. Нашиот план е секогаш кога нешто работиме да објавиме, но ситуацијата во Македонија понекогаш не претекнува. Така што, нам ни е во план понатаму да ги објавиме- посочува Мангова за Република.

Република се обиде од ИРИ да ги добие резултатите барем за рејтингот на политичките партии и на политичките лидери, но за тоа ќе почекаме до официјалното објавување на анкетата. Во меѓувреме Република од други извори дознава дека истражувањето на ИРИ покажува уште поголема разлика меѓу рејтингот на партиите во корист на ВМРО- ДПМНЕ, споредено со резултатите од истражувањето кое за потребите на Република го спроведе агенцијата Брима Галуп.

Тие резултатите покажуваа огромна поддршка и повеќе од двојна предност на ВМРО-ДПМНЕ спрема СДСМ, односно доколку следната недела се одржат нови парламентарни избори за ВМРО-ДПМНЕ би гласале 36.8%, а за СДСМ повеќе од два пати помалку односно 15.7%.

Овие резултати се кај македонското гласачко тело, но таквата двојна разлика се пресликуваше и доколку се земеше во предвид целосната етничка структура на населението во Република Македонија,односно 25.7% за ВМРО-ДПМНЕ према 13.4% за СДСМ.

Од ИРИ велат дека немаат нарачател за нивното ново истражување, од кое наскоро очекуваме резултати во јавноста.

Тоа што сега се поставува како прашање е дали СДСМ и нејзините сателити исто така стигнале до резултатите од ова истражување, или пак им се предочени дел од резултатите, па упорно се обидуваат да ги одложат изборите?

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.