Севекорот на убиената Јелена: ако мојот син е убиец ќе се откажам од него

Зоран Марјановиќ, сопругот на убиената пејачка Јелена Крсмановиќ Марјановиќ (33), која е пронајдена мртва во неделата во канал на насипот во Борча, сѐ уште е во полиција. Иако Зоран во понеделник по вторпат го помина полиграфот, задржан е во полиција.

На Зоран денес попладне му истекнуваат 48 часа полициско задржување, по што или ќе биде пуштен или притворот ќе му биде продолжен до 30 дена.

Таткото на Зоран, Владимир Марјановиќ, се наоѓа пред зградата на српското МВР каде чека да поминат 48 часа од  притворот на неговиот син.

-Ако мојот син е убиец јас ќе се откажам од него. Тоје голем верник, а верниците не убиваат. Мислам дека вистинскиот убиец ја чекал Јелена скриен во некој џбун – изјавил Владимир за медиумите.

Тој додава и дека Јелена и Зоран не се карале.

-Добро се сложуваа, а и да дојдеше до некоја расправија, тоа беше околу храната. Тој се грижеше за неа и ја чуваше како капка вода. Зоран ѝ пишуваше песни, постојано ѝ зборуваше дека треба попровокатвно да се облекува. Тие беа неразделни – изјавил Владимир со плачлив глас.

Таткото на Зоран изјавил и дека погребот на Јелена ќе се одржи во четврток.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.