Кикс на Наполи во Удине, титулата во Серија А може да остане само сон (видео)

Екипата на Наполи посеизгледа ќе продолжи да го сонува 26-годишниот сон за титулата во Серија А лигата откако денеска во пладневниот термин во рамките од 31.коло загуби на гостувањето кај Удинезе со 3-1.

Дека Наполи лошо ќе си помине во Удинезе наговести и самиот старт од денешната средба, кога Бруно Фернандеш погоди од белата точка во 14-та минута. Сепак, радоста на домаќините кратко траеше, бидејќи Игуаин по само десет минути со силен удар изедначи на 1-1.

Екипата на Удинезе само што тргна од центарот по примениот гол успеа да изнуди уште еден пенал, но овој пат Фернандеш не погоди и ги продолжи надежите на Наполи за цел плен од гостувањето во Удине. Сепак пред крајот на полувремето истиот играч со ножички му носи предност на домашниот тим.

Во второто полувреме потопот на Наполи го потврди Теро во 57-та минута, а сите надежи на Наполитанците згаснаа во 75-та минута, кога Гонзало Игуаин го заработи и вториот жолт картон, па мораше на предвремен туш. До крајот на средбата резултатот не се менуваше, па сега Наполи има шест бода негатива во однос на Јуве на шест кола до крајот.

Udinese VS. Napoli 3-1 | All Goals – 03-04-… by football-co

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.