„Кралот“ Џејмс го мина Доминик Вилкинс на вечната листа на стрелци (видео)

Синоќа на програмата во НБА лигата беа само четири натпревари.

Мечот кој привлече најмногу внимание се одигра во Кливленд каде домашната екипа лесно се справи со гостите од Бруклин победувајќи ги со 107-87. Лидерот на домаќините Леброн Џејмс постигна 24 поени и го мина легендарниот Доминик Вилкинс на 12.место на вечната листа на стрелци во НБА лигата.
„Кралот“ е многу блиску и до 11.место бидејќи Оскар Робертсон му бега само 11 поени и веќе на следниот натпревар во дербито на истокот против Атланта може да се искачи уште едно скалило погоре.

Оклахома имаше доста проблеми против Лос Анџелес клиперс, кој одигра без цела прва петорка. Тандер славеше со 119-117, а најефикасен беше Кевин Дурант со 31 поен. Ова за него беше 60-ти натпревар по ред на кој има постигнато над 20 поени.

НБА резултати:

Хјустон – Чикаго 100-103
Индијана – Орландо 100-103
Њу Орлеанс – Денвер 101-95
Портланд – Бостон 116-109

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.