Уште четири победи до влез во историјата, Голден Стејт ја продолжува импресивната сезона (видео)

Актуелниот НБА првак Голден Стејт Вориорс го преживеа гостувањето кај Јута и по продолжение оствари победа од 103-96.
Иако не одигра на нивото кое ги прати цела сезона, Голден Стејт успеа да се извлече и да ја продолжи низата на победи. На осум натпревари до крајот на регуларниот дел лидерот во западната конференција сега има скор од 68 победи и само седум порази. За да го израмни рекордот на Чикаго од сезоната 1995/96 од 72 победи и 10 порази на актуелниот шампион му се потребни уште само четири победи.
Во мечот против Јута повторно на висина задачата беа Стеф Кари и Клеј Томпсон. Вториот успеа да се избори за продолжение откако на 15 секунди до крајот со тројка го израмни резултатот. Во дополнителните пет минути Кари врза шест поени во низа со што се избори за предност која подоцна се покажа доволна за победа. На крајот, најдобриот кошаркар во НБА имаше 31 поен, седум скока и четири асистенции.

Со оваа победа Голден Стејт оствари клупски рекорд бидејќи дојде до 68. победа во сезоната, нешто што не се случило никогаш во историјата на овој тим. Најдобар досега беше ефектот од минатата година кога тимот заврши со биланс 67-15.

Клупски рекорд ноќеска запиша и Торонто Репторс кој на домашен терен ја совлада Атланта со 105-97 и стана последниот тим во НБА лигата кој ја достигнал границата од 50 победи во една сезона. Претходно, најдобар биланс беше оној од лани кога Репторс имаа 49 победи, а сега магичната границата ја минаа на осум натпревари пред крајот на основниот дел од сезоната. Демар Дерозан беше најефикасен во канадскиот тим со 26 поени, додека Џеф Тиг ја предводеше Атланта со 18 коша.

НБА резултати:

Торонто – Атланта 105-97
Меемфис – Денвер 105-109
Милвоки – Феникс 105-94
Минесота – ЛА Клиперс 79-99
Далас – Њујорк 91-89
Сан Антонио – Њу Орлеанс 100-92
Јута – Г.Стејт 96-103
Сакраменто – Вашинггтон 120-111
ЛА Лејкерс – Мајами 102-100

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.