Милошоски: Македонија врши само туристичка окупација врз Грција

Туристичка окупација на Грција – да, територијални претензии кон јужниот сосед – не.

Вака пратеникот и поранешен шеф на македонската дипломатија, Антонио Милошоски, му одговорил на грчкиот претставник од делегација на Комисијата за цивилна димензија на безбедноста во Парламентарно собрание на НАТО, која денеска ја посети Македонија и се сретна со македонски пратеници. Инаку, грчкиот претставник се интересирал дали Македонија има територијални претензии кон Грција.

– Одговорив да, имаме сезонски аспирации од јуни до август кога повеќе од 300.000 туристи одат на одмор и ги окупираат плажите на егејското приморје. Тоа е одговор на такви констатации кои ги сметаме за несериозни. Досегашното искуство од 23 години од независноста на државата ни покажува дека меѓу двете земји има добри односи без ниту еден територијален или граничен инцидент – изјави Милошоски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.