Над 400 луѓе трчаа за децата со Даунов синдром во Скопје

Повеќе од 400 ведри и насмеани лица вчера им го разубавија денот на децата со Даунов Синдром и заедно со нив трчаа на првата Хуманитарна трка во скопскиот Градски Парк, која што се одржа по поводсветскиот Ден на лицата со Даунов синдром.

На трката која што беше од отворен карактер и во неа освен што учествуваа деца со Даунов синдром и нивните семејства, можеше да учествува секој кој има желба да биде дел од ваква хуманитарна спортска акција со донирање на 150 денари.

Убава вест која ги развесели сите учесници беше информацијата дека планираната сума за собрани средства била собрана и истата ќе биде искористена за обезбедување на сала и опрема за обезбедување услови за тренирање на децата со Даунов синдром во текот на целата година, како обезбедување сала, реквизити, стручни лица за работа, организирање на семинари и слично.

Сите деца со Даунов синдром по завршување на трката беа наградени со медали и пригодни подароци од спонзорите, а за останатите натпреварувачи беа обезбедени награди по лотарија систем.

Настанот беше во организација на Мечувачкиот клуб Ескрим.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.