Фронтменот на познатиот состав „Ганс енд роузис“, Еклс Роуз е нов пејач на култниот бенд „Еј-си/Ди-си“.
Оваа неверојатна вест ја објави „Атланта Радио 100.5“, а ја пренеле бројни медиуми кои ја следат хардкор и хевиметал музиката.
Како што се наведува во објаснувањето на оваа вест, Ексл Роуз ќе го замени Брајан Џонсон, пејачот на „Еј-си/Ди-си“, на остатокот на светската турнеја на тој бенд.
Ексл во текот на викендот е виден во Аталанта, каде бил на тонски проби но не со својот матичен бенд „Ганс енд роузис“.
Радио диџејот Џејсон Бејли открил дека од многу добар извор добил потврда дека шпекулациите за настапот на Ексл со „Еј-си/Ди-си“ се точни.
Пејачот на бендот, Брајан Џонсон неодамна имал проблеми со слухот, па групата мораше да ја прекине турнејата.
Во почетокот на месецот беше објавено дека „Еј-си/Ди-си“ ја одложува турнејата поради можната загуба на слухот на Брајан Џонсон, Тој од својот лекар бил предупреден дека доколку продолжи да настапува ризикува трајно губење на слухот, соопштил тогаш бендот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
