Шведската поп група АББА планира светска турнеја во 2019 година, речиси четири децении по последната официјална турнеја пред распадот во 1982.
Сепак, членовите на групата нема физички да присуствуваат на настапите, туку посетителите ќе ги гледаат на сцената како холограм.
Досега холограмите се користени само во случаи кога уметникот е починат, какви што беа виртуелните симулации на раперот Тупак на фестивалот „Коачела“ во 2012 и на Мајкл Џексон на доделувањето на „Билборд наградите“ во 2015 година.
Жан-Лук Меленшон, кандидатoт за претседател на Франција на минатогодишната предизборна кампања ја искористи техниката на холограм за неговиот говор да се чуе на седум собири во истовреме.
Иако членовите на АББА се живи, нивните гласови ќе бидат „позајмени“ од плочата од нивната австралиска турнеја од 1977 година.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
