Претседателот на Француската фудбалска федерација, Ноел ле Гре, истакна дека државата ќе гарантира максимална безбедност за претсојните фудбалски мечеви, потенцирајќи го пријателскиот натпревар меѓу Франција и Русија што треба да се одигра на 29.март на „Стад де Франс“. Оваа негова изјава доаѓа по денешните терористички напади во Брисел, кои и тоа како имаат поврзаност и со претходните напади на терористите во Париз, на денот кога се играше фудбалски натпревар меѓу Франција и Германија.
Младата фудбалска репрезентација на Македонија до 21 година исто така ќе треба да гостува во Ле Ман, на 28.март.
– Безбедноста на навивачите и на сите граѓани е нашиот приоритет. Гарантираме дека ќе бидат преземени сите безбедносни мерки, на максимално ниво, за пријателскиот меѓу Франција и Русија на 29.март. На „Стад де Франс“ ќе има 65.000 луѓе и уверувам дека ќе бидат безбедни, исто како и на сите други стадиони. Цела Европа е загрижена поради најновите случувања, не можеме да останеме имуни, и се разбира, никогаш и никаде нема „нулта ризик“. Но, за безбедноста се грижат врвни специјалисти, посебно во една ваква состојба – изјави Ноел ле Гре, првиот човек на францускиот фудбал.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
